امي

تعرف امي؟ 

-لا

طب احكيلك عنها 

امي دي ست الناس حته زي الالماس مكانها تتحط في تاج وتتشال فوق الراس 

امي دي حنان الدنيا فيها مكنتش تشوف احن من ايديها 

لما تطبطب عليا ونا زعلان وتملاني حنان بنظرات عنيها 

امي حضن يا جماعه بس مش حضن عادي حضن حصن حصين تحس وانت جواه كانك في قصر وانت الملك مفيش منك اتنين 

الحضن دا الواحد كل ما بتضيق بيك الدنيا مبيلاقيش غيره باب مفتوح مهما تيجي ومهما تروح ومهما تعدي الايام وتمر السنين هيفضل دايما ليك مفتوح

الام يا جماعه الشخص الوحيد اللي بيدي كل حب وكل طيبه وكل خوف... ومبيستناش... مهما غبت عن عنيها وطالت ما بينك وبينها المسافات مبتنساش... بتفضل مستنياك واقفه هناك علي الشباك ايدها علي خدها وعينها عمرها متنساك

الناس كلها تطلع فوق تروح الجنه ونا الجنه تحت رجلين امي.... اول ما وقعت عليا هي الوحيدة اللي بتسمي نفسي اقولك شكرا بس علي ايه ولا ايه بس يا امي

الواحد لو عشان عمرين علي عمره..... ميقدرش يوفي حقك عليه.. يا ست الناس لو اطول اعيشلك مداس صدقيني مستناش 

صدقيني يا امي لولا ان السجود لله وحدة لكنت جبتك وسجتلك كنت حطيت راسي بين رجلك

انا امي تسد الشمس جمال... امي بتعدلني مهما حالي مال 

ومش هعرف اوصفه جمالها مهما اتحكي هنا واتقال

انا امي كانت الفرحه في عنيها ايام نتيجه ثانويه عامه وكان مجموعي زي الزفت... برضو كانت فرحانه كنت بعيط شفت فرحتها وسكت... قالتلي مرتاحه وفخوره بيك مهما كبرت 

امي اللي جات قفشتني وانا بتكلم ف الفون ونا ف ركن مستخبي في البيت... جات وشدتني من ودني وقالتلي والله وكبرت وشفتك حبيت

كل الحروف وقفت عن شرحك ولو فضلت طول عمرى.... عمرى ما اقدر اوصفك ف سامحيني لو خاني التعبير بس ربنا يدومك بينا لسنين كتير 

.. 

ŸöANis